2023-жылдын 8-сентябрында Кыргыз мамлекеттик медицина институтунун 1963-жылдагы бүтүрүүчүлөрүнүн жолугушуусу болуп өттү. Иш-чарага Кыргыз Республикасынын Министрлер Кабинетинин Төрагасынын орун басары Эдил Байсалов катышты.

Дарылоо иши, педиатрия жана санитардык факультеттердин 20га жакын бүтүрүүчүлөрү КММИде өткөргөн студенттик жылдарын эстеп гана тим болбостон, сүйүктүү окуу жайына ыраазычылык билдирүү үчүн чогулушту.

Иш-чаранын алкагында КММАнын ректору Индира Кудайбергенова жалпы жамаатты институтту аяктагандыгынын 60 жылдык мааракеси менен куттуктап, «Кесипке берилгендиги үчүн» төш ​​белгисин тапшырды. Андан соң видеотасма көрсөтүлүп, бүтүрүүчүлөр менен маектер берилди. Алар жаш жылдарды эскерип, КММИ-КММА канчалык өзгөргөнүн жана кеңейгендигин белгилешти. Ал эми ректордун кеңешчиси А.Зарифян бүтүрүүчүлөргө өзүнүн ыр саптарын арнап, тарбия иштери бөлүмү тарабынан майрамдык концерт уюштурулду.

Бүтүрүүчүлөрдүн жолугушуусуна төмөндөгүлөр келишти: Абдыкадыр Асанбаев, Абдыбекова Шайырбүбү, Байиз Артыкбаева, Марта Дикамбаева, Шайырбүбү Дүйшеналиева, Куку Дубанаева, Жумагул Нурманбетов, Валерий Миржалилов, Калия Жоробекова, Нина Жаркова, Хасабетова Саякадава, И. тдинова , Pefti Olympics, Сейил Рыскулбекова, Роза Чойбашева, Асаналы Саадакбаев, Алла Фуртикова, Турган Абдыкеримова.